Uttari Gorkha Tamu Samaj (FUNG)

उत्तरी गोरखा तमु समाजमा यहाँहरूलाई हार्दिक स्वागत छ

उत्तरी गोरखा तमु समाज एक विशुद्ध गैर-नाफामूलक, गैर-सरकारी संस्था हो। यसले हाम्रो गुरुङ (तमु) समुदायको भाषा, धर्म, संस्कार, र संस्कृतिको जगेर्ना गर्ने महान् उद्देश्य बोकेको छ।

विगत लामो समयदेखि हामीले शिक्षा, स्वास्थ्य र सामाजिक जनचेतनाका क्षेत्रमा काम गर्दै आइरहेका छौं। हाम्रा सन्ततिलाई संस्कार सिकाउँदै, सम्पूर्ण सदस्यहरूलाई एकताको सूत्रमा बाँध्ने हाम्रो प्रमुख लक्ष्य हो। हामी सबै मिलेर अघि बढ्दै समाजलाई नयाँ उचाइमा पुर्‍याउन कटिबद्ध छौं।

हाम्रो बारेमा थप जान्नुहोस्

अध्यक्षको मन्तव्य

सर्वप्रथम त यस उत्तरी गोरखा तमु समाज (फुङ्ग)को अध्यक्षको हैसियतबाट सबै तमु बन्धुहरूमा हार्दिक न्यानो अभिभादन व्यक्त गर्न चाहान्छु । विशेषत यो संस्था वि. सं २०६५ सालमा स्थापना भएको हो र २०७१ बैशाखमा गोरखाको आरुघाटमा सम्पन्न दोश्रो अधिवेशनबाट मलाई अध्यक्षमा चयन गरेको हो । देशमा बदलिंदै गएको राजनीतिक परिवेश र परिवर्तनका मुद्दालाई आत्मसाथ गर्दै सम्पूर्ण तमु बन्धुहरूको उत्थानका लागि यो संस्था क्रियाशिल रहेको कुरा सबैमा अवगत नै छ । अझ भन्नुपर्दा भौगोलिक रुपमा विकट गोरखा जिल्लाको उत्तरी भागका करिब १६ गा. वि. स. हरु शैक्षिक, समाजिक,आर्थिक दृष्टिकोणबाट विकट रहेको तथा स्थानीयमा परिवर्तनको चेतना पनि कमि रहेकाले त्यस समस्याको थोरै भएपनि निराकरणका गर्नको लागि यस संस्थाको जन्म भएको हो । भौगोलिक विकटताका कारण सो क्षेत्रका बासिन्दाहरुको राज्यका विभिन्न निकायमा पहुंच कम रहेकोले पनि आफनो हक अधिकारको बारेमा आवाज उठाउनु पनि यसको लक्ष्य रहेको कुरा सबैमा अवगत गराउन चाहान्छु ।